مع أزمة البنج الحالية ظهر النوع دا من البنج لناس مكانتش تعرفه قبل كده
وطول عمرنا بنشتغل بالبنج الأسباني بتاع شركة artinibsa
اللي هو articaine 4% .
لما تيجي بقى تشتغل بالبنج الكولومبي دا هتلاحظ شوية حاجات:
أولا: حركة ال rubber plunger صعبة جدا وانت بتعمل deposition ودا عشان معمولة من بلاستيك مش زجاج.
ثانيا: بيوجع أكتر من ال articaine بشوية
ودا عشان ال acidity بتاعته أعلى شوية.
ثالثا: هتلاحظ انه بياخد وقت أطول على ما يشتغل مع ان الكلام النظري بيقول انه ال pka بتاعته أقل من ال articaine فالمفروض يشتغل أسرع بس الكلام دا لو انت فعلا واصل عند ال target area بتاعتك بالظبط.
لكن بسبب تعودنا على ال articaine واللي فيه ميزتين يخلونا نلاحظ انه بيشتغل أسرع
أول ميزة (عنده lipid solubility أعظم من ال lidocaine بشوية حلوين)
تاني ميزة ان ال articaine فيه حاجه حلوة كده اسمها thiophene بتخلي ال Diffusion بتاعه جبار
فهتلاقي ان البنج الكولومبي دا بياخد وقت أطول على ما يشتغل.
رابعا هتلاحظ انه البنج الكولومبي دا أضعف ودا بسبب ال lipid solubility اللي قولناها من شوية
خامسا البنج الاسباني بيشتغل مدة أطول بشوية ( مش كتير )
ودا بس عشان ال protein binding ability بتاعته.
سادسا لو استخدمته في جراحة وفتحت فلاب هتلاحظ ان ال hemostasis بتاعه حلو اوي عشان تركيز الادرينالين فيه أعلى من ال artinibsa
بالنسبة للأطفال مفيش أي ملاحظات عليه بعد حساب الجرعة
بالنسبة للحوامل فهو آمن تماما واكتر من ال articaine
يعني ال articaine يتصنف category C
لكن ال lidocaine يتصنف category B
التحذير الأعظم على الإطلاق وانت شغال بالبنج دا هو وانت بتتعامل مع بيشنت hypertensive او عنده Cardiovascular disorder
مهم جامد اوي جدا خالص انك تعمل aspiration كويس عشان تركيز الادرينالين هنا عالي شوية عن الأسباني
ومهم كمان انك متديش العيان دا اكتر من كربولة ونص في الجلسة
لأن ال maximum dose هنا 1.7 كربولة.
يعني أقل من كربولتين هتكون وصلت المريض لل MRD.
وربنا يعدي الأزمة دي على خير
