بين المنافسة الشديدة و زيادة أعداد الخريجين في مجال طب الاسنان، اصبح مهم جدا على اي طالب او حديث تخرج انه يزود معرفته في مهارات الـ paradental واللي من اهمها التصوير و عشان كده هنتكلم عن الادوات اللي انت محتاجها عشان تبدأ تصور بموبايلك صور احترافية زي اللي بتشوفها على السوشيال ميديا.
اول حاجة مهم جدا تعرف ان الصورة هي عبارة عن اضاءة، و مصدر الضوء بتاعك مهم جدا لان هو اللي هيحدد شكل الصورة و الوانها و جودتها، تخيل ان الاضاءة تكاد تكون اهم اصلا من الموبايل اللي بتصور بيه، عشان كده اول حاجة هنتكلم عنها النهاردة هتكون الاضاءة.
1- light
الاضاءة اللي هتستخدمها لازم تراعي فيها كذا حاجة، اهمها زاوية الضوء على السنة و درجة حرارة الاضاءة.
زاوية الضوء مهمة جدا لانها هي اللي هتحدد شكل الصورة و في مجالنا فيه نوعين من الاضاءة Twin flash و Ring flash
ده شكل الـ Twin flash
و بيكون عبارة عن وحدتين اضاءة صغيرين و لكن اضاءتهم قوية جدا و ناعمة و دي بتكون احسن في الاسنان الامامية
اما النوع التاني و هو الـ Ring flash و ده بيكون فلاش على شكل حلقة بيتركب على العدسة و ده شكله في الحقيقة
و بيكون احسن في الاسنان الخلفية عشان بيوزع الاضاءة بالتساوي و بشكل عمودي عليها
و لكن الافضل لو هتختار واحد بس هو الـ Twin flash لانه هتقدر تصور بيه anterior and posterior صور حلوة جدا و مش هتحتاج Ring flash و في الفترة الحالية فيه شركتين بيبيعوه في مصر بسعر أقل من المستورد و بنفس الكفاءة و همن OKDent و Abd elrahman Khafaga
2- mirror
اما بالنسبة لتاني حاجة مهمة و هي الميرور، و المرايات مهمة جدا في تصوير الاورثو و تصوير الـ posterior، و فيه منها نوعين matal and non-metal، و من احسن انواع الميرورز non-metal في السوق هي Masa و ده براند مصري و مراياته محترمة جدا و اسعاره اقتصادية، بس للاسف بسبب ان المرايات ازاز فهي عرضة اكتر للكسر و مش هتستحمل لو اتخبطت جامد، اما بالنسبة للـ metal فيه براند مشهور جدا اسمه Dental cap و ميزته ان المراية مش هتتكسر و هتستحمل لو وقعت و لكن عيوبها انها بتتخدش بسهولة و مع التعقيم بتبدأ يظهر فيها نقط سوداء.
و الاختيار في الاخر ليك انت حسب استخدامك تقدر تقرر انهي افضل ليك.
3- Contrastors
و دول وظيفتهم انهم يعزلوا الاسنان عن باقي الـ Oral cavity و بييجوا بأحجام و اشكال مختلفة عشان تناسب اي حد مهما كان شكله الـ oral cavity.
يعني عندك مثلا انواع صغيرة عشان pedo و انواع اكبر شوية للـ female و انواع اكبر male
كمان فيه انواع upper و Lower و الـ anterior كمان بتختلف عن الـ posterior.
مهم جدا انت وبتختار الـ contrastor بتاعك انه يكون مريح للمريض و ميكونش فيه طعم مش حلو، لان الانواع الرديئة منه ممكن تؤذي البيشنت او تجرحه.
الـ Contrastors تقدر تستغنى عنهم لو الميزانية مكفتش و تبدلهم بأي ورقة لونها اسود بس مهم تكون مبتعكسش الضوء و تراعي انها متؤذيش البيشنت
4- Retractors
طبعا دول اهم من الـ Contrastors لانهم بيشدوا الـ cheeks و بيسهلوا عليك التصوير سواء في الاسنان الامامية او حتى الخلفية و لو هتصور full arch هيكونوا مفيدين جدا في انهم يطلعوا الصورة واضحة و ظاهرة.
فيه منهم نوعين metal and non-metal
1- metal retractor:
النوع ده نادر استخدامه في التصوير و بيُستخدم اكتر في العمليات الجراحة و ده مش هنتكلم عنه لانه مش هم في التصوير.
2- non-metal retractor:
و ده فيه في السوق منهم نوعين من حيث الشكل و نوعين من حيث اللون
من حيث الشكل:
Retractor C shape:
ده بيكون شكله على حرف C و بيستخدموه اكتر دكاترة الـ bleaching لانه اسهل و اريح ليهم و لكن بالنسبة للبيشنت فهو ليه قوة معينة ممكن تكون شديدة على البيشنت و تضايقه عشان كده بنلجأ للنوع التاني و ده اللي بنفضله في التصوير
Retractor T shape:
ده بيكون عبارة عن اتنين منفصلين واحد يمين و واحد شمال، و ميزته انك تقدر تخلي البيشنت هو اللي يتحكم فيه و بالتالي مش هيشده بطريقة مزعجة ده غير انك تقدر تتحكم في مكانه فلو انت حبيت تصور الجنب اليمين فتقدر تشتغل بواحد بس من غير ما تضطر تركب الاتنين و لو حبيت تصور full arch تقدر تغير مكانهم و تعمل retraction للـ upper lip بس مثلا و تاخد رؤية اوضح و افضل.
من حيث اللون
1- transparent Contrastor:
و ده نوع بيكون شبه شفاف و بيظهر لو الـ buccal mucosa في التصوير و ده بيكون احسن في حالات الـ shade selection لانه بيخليك تشوف اللون في الحقيقة بدون اي خداع بصري.
2- Black Contrastor:
النوع ده بيكون شكله احلى في الصور ده غير انه بيعزل الـ mucosa و ده هيخلي الوان الصورة احسن بس لو هتستخدمه في الـ shade selection مش هيكون افضل حاجة لانه زي ما قلنا بيعزل لون الـ mucosa فممكن يخلي اختيار اللون مش دقيق.
لكن هو حلو جدا في صور السوشيال ميديا و الماركيتنج و بيبرز شكل السنة اكتر و بيخليها احلى.
اخر حاجة مهمة معانا و هي الموبايل اللي هنصور بيه، و تخيل انها اخر حاجة مهمة لانه فعلا لو ظبطت الاضاءة و الحاجات اللي فاتت هتقدر تطلع صور كويسة شواء بالموبايل.
مع العلم ان مستحيل الموبايل يتقارن بالكاميرا لأسباب زي حجم السينسور و فتحة العدسة و حاجات كتير بتميز الكاميرا و لكن تقدر بالموبايل تطلع صور شبيهة بصور الكاميرا و الوانها حلوة
و ده اللي هنتكلم عنه في المقالات اللي جاية، و ازاي تظبط إعدادات الموبايل عشان تطلع احسن جودة من الامكانيات اللي معاك
