شغل حشوات الكومبوزيت الخلفية Posterior Composite Restorations ده عامل زي الطبيخ، ليه نفس. كلنا بنعرف نعمل الأساسيات، لكن “النفس الحلو” اللي بيخلي شغلك يعيش لسنين من غير مشاكل هو في التفاصيل الصغيرة. من اول ما بتمسك الـ Bur لحد آخر تلميعة، كل خطوة ليها “تكة” فنية بتفرق.
كتير مننا بيعرف الأساسيات، لكن الاحتراف بيجي من معرفة الأسرار دي. في المقالة دي، جمعنالك اهم التكات والنصايح العملية اللي هتخليك تسيطر على حشوات الكومبوزيت الخلفية وتضمن نتيجة ممتازة في الشكل والوظيفة.
أولاً: فن بناء النتوءات The Art of Cusp Build-Up
دي يمكن اهم مرحلة في تشكيل الحشو، واي غلطة فيها ممكن تسبب حساسية او كسر في المستقبل.
١. ابني نتوء بنتوء (Build Cusp by Cusp)
الغلطة الشائعة هي اننا نحط الكومبوزيت كله مرة واحدة Bulk Technique ونعمله Curing. ده اكبر سبب لمشاكل الـ Polymerization Shrinkage.
الصح: ابني كل نتوء Cusp لوحده. حط طبقة كومبوزيت تمثل نتوء واحد، اعملها Curing كويس، وبعدين ابني النتوء اللي بعده. الطريقة دي اسمها Incremental Layering Technique.
ليه ده مهم؟ لما بتبني طبقات صغيرة، انت بتقلل جداً من اجهاد الانكماش Shrinkage Stress على جدران السنة. ده بيمنع حدوث شد في النتوءات Cuspal Deflection، اللي هو السبب الرئيسي في ان المريض يحس بكهربا او وجع مع العض بعد الحشو (1).
٢. تقنية الختم The Stamp Technique
دي حيلة ذكية جداً لو عايز ترجع شكل الـ Occlusal surface زي ما كان بالظبط من غير مجهود كبير في النحت.
ايه هي؟ ببساطة، هي انك تاخد “طبعة” صغيرة لسطح السنة قبل ما تبدأ حفر، عشان تستخدمها كـ “ختم” تطبع بيه شكل التشريح على آخر طبقة كومبوزيت.
امتى تستخدمها؟ في الحالات اللي بيكون فيها سطح السنة سليم Intact والتسوس بسيط ومحصور في الـ Grooves زي حالات Fissure caries.
ازاي تعملها؟
-
قبل ما تبدأ، حط على سطح السنة كومبوزيت سائل Flowable Composite او اي مادة سيليكون خفيفة واعملها Curing. ده هيبقى “الختم” بتاعك.
-
شيل الختم ده على جنب، وحضر الكافيتي بتاعك عادي.
-
بعد ما تخلص وضع الكومبوزيت، وقبل آخر طبقة ما تعملها Curing، حط شريط تيفلون Teflon tape فوق الكومبوزيت الطري، واضغط بالختم بتاعك.
-
اعمل Curing للكومبوزيت من خلال الختم الشفاف لو كان من الفلوابل. شيل الختم والتيفلون، هتلاقي شكل التشريح الأصلي انطبع بشكل مثالي.
ثانياً: تكات سريعة لكن مهمة General Quick Tips
شوية نصايح سريعة هتفرق معاك في كل حشوة بتعملها:
٣. افصل بين الفرش (Separate Your Brushes)
اوعى تستخدم نفس الفرشاة Micro-brush اللي بتحط بيها البوند Bonding Agent عشان تفرد بيها الكومبوزيت. البوند اللي على الفرشاة هيضعف الكومبوزيت وهيغير لونه مع الوقت. خصص فرشاة نضيفة للكومبوزيت بس.
٤. ابدأ بالـ Proximal Wall في حالات الـ Class II
دايماً ابدأ ببناء الجدار الجانبي المفقود Missing Proximal Wall في حشوات الـ Class II. بكده انت بتحول الكافيتي الصعب لـ Class I بسيط وسهل تتعامل معاه.
٥. نقطة الفلوابل السحرية The Flowable Composite Drop
تحت كل طبقة من الكومبوزيت العادي Regular Composite، خصوصاً في منطقة الـ Proximal box، حط نقطة صغيرة من كومبوزيت سائل Flowable Composite قبل ما تعمل Curing. ده بيضمن تكيف ممتاز Adaptation بين طبقات الكومبوزيت وبيقلل فرصة حدوث فراغات Voids (2).
ثالثاً: أسرار تشريح سطح المضغ Secrets of Occlusal Anatomy
التشريح مش مجرد شكل جمالي، ده وظيفة. لو فهمت القواعد دي، هتعمل تشريح صحي ومريح للمريض.
٦. الحافة الهامشية مش مسطرة The Marginal Ridge is Not Flat
الـ Marginal Ridge مش خط مستوي. هو بيتكون من التقاء ميل النتوءات المجاورة ليه Cusp slopes. دايماً خليه فيه ميل بسيط، عمره ما بيكون مسطح.
٧. مكان منطقة التماس The Correct Contact Area
الـ Contact Area في الأسنان الخلفية مش نقطة، دي مساحة. مكانها الصحيح بيكون عند التقاء الثلث العلوي Occlusal third والثلث الأوسط Middle third من الـ Proximal surface.
٨. لما يكون الـ Contact سليم Class II with Intact Contact
لو بتعمل حشو Class II والتسوس كان بسيط والـ Contact point نفسها لسه سليمة، الجزء اللي انت محتاج تعوضه بيكون مستقيم Straight. ممكن تستخدم شريط تيفلون Teflon tape كحاجز عشان تعوض الجزء ده بس من غير ما تبوظ الـ Contact.
٩. الحشوات المتجاورة Adjacent Restorations
لو عندك سنتين جنب بعض وكل واحدة فيهم محتاجة حشو Class II، اشتغلهم مع بعض في نفس الوقت Simultaneously. حط مصفوفتين Two matrices ووتد واحد Wedge بينهم. ده هيضمنلك انك تبني الـ Contact point بينهم بشكل مثالي من أول مرة.
١٠. قمم النتوءات Cusp Tips Alignment
بص على السنة من الجنب Buccal view. لازم قمم النتوءات Cusp tips تكون ماشية مع بعضها في خط متوازي مع قوس الأسنان Dental arch curvature.
١١. عمق الـ Central Groove
الـ Central Groove لازم يكون أعمق شوية من الـ Marginal Ridge. القاعدة بتقول انه بيكون أوطى منه بحوالي 1 الى 1.5 مم.
١٢. مستوى الـ Marginal Ridges
الـ Marginal ridges بتاع سنتين جنب بعض لازم يكونوا في نفس المستوى Same level. لكن الـ Mesial والـ Distal marginal ridges بتاع نفس السنة مش شرط يكونوا في نفس المستوى. غالباً الـ Distal بيكون أوطى شوية.
١٣. تشريح الـ Proximal Surface
السطح الجانبي Proximal surface مش كله محدب. هو متقسم لـ 3 اجزاء:
-
الجزء العلوي Occlusal third بيكون مستقيم Straight.
-
الجزء الأوسط Middle third هو اللي بيكون محدب Convex وده مكان الـ Contact area.
-
الجزء السفلي Cervical third بيرجع يكون مستقيم Straight او حتى مقعر شوية.
