ازاي تعمل دراسة جدوي لعيادتك وتقرر فعلا انك تاخد المخاطره؟
♦️فكر في مشروع العياده وحاول ترسمه وتنفذه في دماغك،
ولو كسب⬅️.. إدرسه بالورقة والقلم،
ولو حسيت انه هينجح
إبدأ بأقل مبلغ
♦️ بعدها اتوسع.
١- حدد مجال عمل العياده..هل هتقدم كل الخدمات بنفسك ولا هتستعين بدكاتره متخصصه( ortho مثلا) ويا تري تكلفة وجودهم افضل ولا ممكن تستغني عن تقديم الخدمات دي؟
٢- حدد العميل المستهدف ومواصفاته
مثلا كلاس A او B او C
وبناء علي كده:
⚜️هتحط اسعار الخدمات…اسعار الماتيريال..
⚜️ تجهيز العيادة من ناحية الديكورات والشكل العام و النظام ككل(سيسيتم )
⚜️مستوي تعليم السكرتيرة ولباقتها في التعامل مع الناس
٣- إبدا عملية الدراسة السوقية لعدد واماكن العيادات المتوفره في المنطقه وصولا لجدول بالخدمات المتوقع تقديمها يوضح :
⚜️عدد الخدمات المقدمه من العياده ⚜️العدد المتوقع من العملاء( شهريا علي الاقل)
⚜️سعر الخدمات المتوقع( إجمالي الدخل)
٤- إبدا الدراسة الفنية بتحديد احتياجات تنفيذ العياده
من تجهيزات وماتيريال وعمالة
٥- إبدا الدراسة المالية عشان تعرف:
⚜️قيمة تجهيز العياده
⚜️مصادر تمويل العياده واحتياجتها
٦- ضع تقديرات ( من وحي توقعاتك) للربح الشهري /السنوي
واحسب نسبة صافي الربح للمبلغ المستثمر.
٧- لو هيطلعلك:
⚜️ مرتب مناسب
⚜️ عائد على رأس مالك
⚜️ وتتوقع إستقرار وإستمرار المشروع..توكل على الله.🙂
(من بوست ل ا.حسين بكرى عن دراسة الجدوي للمشاريع عامة✨️ بس انا عدلته عشان يناسب طبيب الاسنان🙂)
#Dr_ZahraaAbdelAleem
#Dent_Zone