عايز تنهي معاناة مرضاك من ألم ما بعد حشو العصب؟ اتبع الخطوات دي!

مفيش دكتور فينا محطش نفسه في الموقف ده. بتخلص حالة حشو عصب Endodontic treatment انت شايفها مثالية من كل زاوية، بتقفل الحالة وانت حاسس انك فنان، وتاني يوم بالظبط تلاقي تليفون المريض بيقولك “بموت من الوجع يا دكتور!”. المكالمة دي كفيلة انها تهز ثقتك في نفسك وتخليك تراجع كل خطوة عملتها. عزلت كويس، حددت الطول صح، نضفت وقفلّت بشكل ممتاز. امال ايه المشكلة؟

السر مش في الخطوات الكبيرة اللي كلنا حافظينها. السر الحقيقي عشان توصل لراحة المريض او اللي بنسميه زيرو الم بعد الشغل Zero Post-operative Pain، هو انك تسيطر على ٣ عوامل اساسية وانت شغال. لو فهمتهم صح، هتضمن بنسبة تكاد تكون ١٠٠٪ ان مريضك هيدعيلك بدل ما يشتكيلك. المقالة دي هي الخريطة بتاعتك عشان تودع شكوى الوجع اللي بعد حشو العصب للابد.

العامل الاول: السيطرة على بقايا العصب Debris Control

دي اهم نقطة على الاطلاق. اغلب الوجع اللي بيحصل بعد حشو العصب Post-operative pain خصوصاً في حالات العصب الحي Vital pulp بيكون سببه التهاب حاد في الانسجة اللي حوالين الجذر Acute Apical Periodontitis. والالتهاب ده بيحصل لسبب بسيط، وهو اننا واحنا بننضف بنزق بقايا العصب والبكتيريا والانسجة الملتهبة بره فتحة نهاية الجذر Apical foramen. الموضوع اشبه بانك بتكنس اوضة مقفولة، كل التراب اللي بتزقه بيتحشر في اركان الاوضة ومبيخرجش.

ازاي تسيطر على الـ Debris وتمنعه يخرج؟

١. طريقة استخدامك للفايلات Files هي كلمة السر:

الموضوع مش متعلق بنوع الفايل قد ما هو متعلق بطريقة استخدامه.

• لو بتستخدم فايلات يدوية Manual Files: انسی تماماً حركة الدفع والسحب العنيفة Push-pull motion. الحركة دي هي اكبر سبب بيزق البقايا بره. اعتمد على حركة اللف البسيطة Watch-winding motion او تكنيك الـ Balanced force technique.

• لو بتستخدم فايلات دوارة Rotary Files: القاعدة الذهبية بتقول “سيب الفايل يشتغل” let the file do the work. يعني متضغطش على الفايل نهائياً Apical pressure. اول ما تحس بمقاومة اطلع ونضف الفايل واعمل غسيل Irrigation. الضغط على الفايل بيحوله من اداة قطع لمكبس بيزق كل حاجة لتحت.

٢. تقنية الـ Crown Down هي الافضل:

• تقنية الـ Step Back: دي اللي بنبدأ فيها بالفايلات الرفيعة من تحت لفوق. التقنية دي بتعمل سدة من البقايا تحت وكل فايل اكبر بتستخدمه بيزق السدة دي اكتر واكتر.

• تقنية الـ Crown Down: هنا احنا بنبدأ بالفايلات الكبيرة من فوق وننزل لتحت. ده بيفتح الطريق من فوق الاول وبيخلق مساحة للبقايا انها تطلع لفوق مع سائل الغسيل بدل ما تتزنق تحت. استخدام تكنيك الـ Crown-down technique بيقلل جداً من خروج البقايا بره القناة.

٣. لو العصب كان حي Vital pulp ولسه فيه الم:

لو الحالة كانت التهاب عصب حي Vital pulpitis والمريض لسه بيتألم، لازم تفكر في الاسباب دي:

• قناة منسية Missed canal: اتاكد انك دورت كويس على الـ MB2 في الـ Upper molars او الـ Distolingual في الـ Lower molars.

• طول العمل قصير Short working length: ممكن تكون سايب جزء صغير من نسيج العصب في اخر القناة لسه ملتهب وهو مصدر الالم.

• توسيع غير كافي Inadequate preparation: ممكن يكون الـ Master Apical File بتاعك كان صغير ولسه فيه بقايا نسيج على جدران القناة.

العامل الثاني: السيطرة على سائل الغسيل Irrigation Control

سائل الغسيل زي هيبوكلوريت الصوديوم Sodium Hypochlorite هو اهم سلاح عندك ضد البكتيريا، لكن السلاح ده لو خرج بره القناة بيتحول لكارثة ويعمل التهاب والم وتورم عنيف للمريض Sodium Hypochlorite Accident.

ازاي تضمن ان سائل الغسيل يفضل جوه القناة؟

• استخدم الابرة الصح The Right Needle: لازم ترمي الابر العادية اللي فتحتها من قدام. استخدم ابرة غسيل متخصصة فتحتها من الجنب Side-vented needle. دي بتضمن ان المحلول يتوجه لجدران القناة ويرجع يطلع لفوق بدل ما يندفع لتحت.

• متحبسش الابرة جوه القناة Don’t Bind the Needle: لازم الابرة تكون حرة الحركة جوه القناة. لو حسيت انها مزنوقة اطلع وادخل تاني. الابرة المحبوسة بتخلق ضغط عالي جداً بيزق المحلول بره بسهولة.

• حرك الابرة باستمرار Keep it Moving: وانت بتعمل غسيل Irrigation حرك الابرة حركة خفيفة لفوق ولتحت. ده بيوزع المحلول احسن وبيقلل الضغط.

• استخدم التركيز المناسب: تركيز من ٢.٥٪ لـ ٣٪ من الـ Sodium Hypochlorite يعتبر فعال جداً وامان في نفس الوقت. التركيزات الاعلى بتزود خطر تهيج الانسجة لو حصل اي تسريب بسيط.

العامل التالت: السيطرة على ادوات العمل Instrumentation Control

ببساطة شديدة، متعديش نهاية الجذر Apex. اي فايل بيعدي فتحة نهاية الجذر بيجرح الانسجة الحساسة اللي بره ويعمل فيها التهاب Apical Periodontitis.

ازاي تضمن انك مبتعديش الطول؟

• التزم بطول العمل بدقة: الطول اللي حددته بجهاز الـ Apex Locator والاشعة هو دستورك. اوعی تعتمد على احساسك.

• الـ Stopper بتاعك ثابت: اتاكد ان الـ Rubber Stopper على الفايل ثابت ومبيتحركش وانه دايماً بيلمس نفس النقطة المرجعية Reference point على السنة.

• لو بتستخدم Rotary: بعض الاجهزة الحديثة فيها خاصية Optimum Torque Reverse – OTR او Apical slowdown ودي بتخلي الموتور يبطئ او يلف بالعكس لما الفايل يوصل للطول اللي انت محدده. دي ميزة امان ممتازة.

• نبه المريض (خصوصاً في الحالات الـ Necrotic): في حالات العصب الميت Necrotic cases العضم حوالين الجذر بيكون ملتهب ومتآكل شوية وده بيخلي فرصة ان الفايل يعدي اكبر. لازم تنبه المريض انه ممكن يحس بـ “شكة” خفيفة لو الفايل لمس الانسجة دي عشان ميتخضش.

بروتوكول دكتور لود لراحة المريض بعد حشو العصب

عشان نلخص كل ده في خطوات عملية، خلي الـ Checklist دي معاك في اي حالة Endo:

1. فهم المريض وتوقعاته: قبل ما تبدأ، فهم المريض ان احساسه بالم بسيط او عدم راحة ليومين او تلاتة ده طبيعي وجزء من عملية الشفاء. ده بيقلل قلقه جداً.

2. التشخيص السليم: هو اساس كل حاجة.

3. فتحة الدخول Access Opening: لازم تكون كافية عشان تشوف كل القنوات بوضوح.

4. متسيبش ولا قناة: دور كويس على كل القنوات المحتملة.

5. تحديد الطول بدقة Working Length Determination: استخدم جهاز Apex locator مع اشعة.

6. اهتم ببروتوكول الغسيل Irrigation Protocol: استخدم ابرة Side-vented needle وكميات وفيرة من الصوديوم هيبوكلوريت.

7. استخدم تقنيات الـ Glide Path والـ Crown Down: عشان تسهل نزول الفايلات وتقلل زق البقايا.

8. متستعجلش في القفل: لو بعد ما خلصت تنضيف لسه فيه افرازات Exudate طالعة من القناة، اوعی تقفلها. حط هيدروكسيد الكالسيوم Calcium Hydroxide كدواء مؤقت واقفل بحشو مؤقت كويس وخلي المريض يجيلك بعد اسبوع تقفلها وهي ناشفة تماماً.

9. اكتب مسكنات فعالة: افضل بروتوكول حالياً هو دمج مضادات الالتهاب غير الستيرويدية NSAIDs (زي Ibuprofen 400-600mg) مع الاسيتامينوفين Acetaminophen (زي Paracetamol 500-1000mg). الاتنين مع بعض تأثيرهم اقوى بكتير.

10. في الحالات الصعبة: لو الحالة كانت Pulpitis حاد والالم عنيف قبل الشغل، ممكن تدي المريض جرعة كورتيكوستيرويد Corticosteroids (زي Dexamethasone) قبل الجلسة او تحقنها جوه القناة، ده بيقلل الالتهاب والالم بعد الجلسة بشكل كبير.

11. لو فيه خراج Abscess: لازم تتاكد انك عملت تصريف كويس للصديد Drainage من خلال القناة.

لو التزمت بالبروتوكول ده، انت مش بس بتعمل حشو عصب ناجح فنياً، انت بتهتم براحة المريض وده اللي بيبني الثقة وبيخليك دكتور مميز في عيون مرضاك.