كام مرة يا دكتور كنت شغال حالة اندو endo عادية جداً، وفجأة تلاقي الفايل مش راضي يكمل؟ او وانت بتخلع ضرس كنت متوقع انه سهل، تلاقيه بيقاوم ومطلع عينك؟ ممكن جداً يكون السبب اللي بتدور عليه هو حالة بسيطة اسمها Dilaceration.
الحالة دي من الحالات اللي بتعدي على دكاترة كتير من غير ما ياخدوا بالهم منها، لكن معرفتها بتفرق جداً في التشخيص وخطة العلاج. يلا بينا نعرف حكايتها.
ايه هو الـ Dilaceration انحناء الجذر؟
ببساطة، هو عبارة عن انحناء او تقوس غير طبيعي في جذر السن او الجذور. abnormal curvature of a tooth root or roots. الانحناء ده ممكن يكون في اي اتجاه وباي زاوية، وهو ده اللي بيعمل المشاكل اللي هنتكلم عليها.
ازاي بنشوفه في الاشعة؟ Radiographic Features
عشان تلقطه في الاشعة بسهولة، لازم تركز على التفاصيل دي:
المكان Location
ممكن يحصل في اي سن في الفم can affect any tooth in the oral cavity.
الحدود Edge
حدود الجذر بتكون واضحة جداً well-defined زي اي سن طبيعي.
الشكل Shape
بتلاقي شكل الجذر فيه انحناء شديد root with severe curvature وبيكون مسحوب على مفيش كل ما يقرب من القمة tapering towards the apex.
نقطة مهمة في الشكل:
ساعات الانحناء ده ميكونش ناحية الـ mesial او الـ distal، لكن بيكون ناحية الـ facial او الـ lingual. في الحالة دي بيبان في اشعة الـ periapical على شكل دايرة او هدف may appear as a “target” or “bull’s-eye”. الشكل ده بيحصل لان الاشعة بتعدي في الجذر المنحني على نفسه فبيبين مقطع عرضي فيه.
التركيب الداخلي Internal structure
بيكون radiopaque معتم للاشعة، زي تركيب اي سن طبيعي بالظبط.
العدد Number
ممكن تلاقيه في سن واحد بس single او في كذا سن multiple.
ايه اهميته الاكلينيكية؟ Clinical significance
معرفة الـ dilaceration مش رفاهية، دي حاجة اساسية لانها بتأثر على خطة علاجك كلها:
-
صعوبة في بزوغ السن: الانحناء ده ممكن يمنع السن انه يطلع في مكانه الطبيعي can complicate tooth eruption.
-
تحديات في علاج الجذور: بيعمل مشاكل كبيرة في علاج العصب may pose challenges for endodontic treatment لان الفايلات صعب توصل لنهاية الجذر.
-
صعوبة محتملة في الخلع: وانت بتخلع ممكن الجذر يتكسر منك بسهولة potential difficulty in tooth extraction.
-
تأثير على خطة التقويم: لازم اخصائي التقويم ياخد باله منه وهو بيحرك السن a possible impact on orthodontic treatment planning.
ملحوظة اخيرة ومهمة
الانحناءات اللي بتكون ناحية الـ facial او الـ lingual صعب جداً تكتشفها بالاشعة ثنائية الابعاد 2D images. عشان كده لو شاكك في حاجة زي دي، ممكن تحتاج اشعة ثلاثية الابعاد زي الـ CBCT عشان التشخيص يكون دقيق وتقدر تحط خطة علاج سليمة. 3D imaging may be necessary for accurate diagnosis and treatment planning.
