تخيل يا دكتور انك بتجهز تعمل حشو عصب لـ lower molar ضرس سفلي، الحالة تبان سهلة ومباشرة. بتعمل اشعة pre-operative عشان تشوف الدنيا، وفجأة تلاقي شكل الضرس من جوه غريب جداً. الـ pulp chamber غرفة العصب كبيرة وواسعة بشكل مش طبيعي، والجدور قصيرة جداً كأن السن معندوش رقبة.
لو شفت المنظر ده، يبقى انت غالباً بتبص على حالة Taurodontism. متتخضش، دي حاجة مهم نعرفها عشان بتغير خطة العلاج تماماً.
ايه هو الـ Taurodontism السن الثوري؟
ده ببساطة يا دكتور شذوذ في تكوين الاسنان dental anomaly بيتميز بجسم سن tooth body وغرفة عصب pulp chamber ممتدين بالطول، مع جذور اقصر من الطبيعي في الاسنان متعددة الجذور multi-rooted teeth.
شكله ايه في الاشعة؟ Radiographic Features
عشان تلقطه على طول في الاشعة، عينك لازم تروح على التفاصيل دي:
مكانه Location
اكتر مكان بيحصل فيه هو الـ mandibular molars الضروس السفلية، لكن ممكن يأثر على اي سن ليه اكتر من جذر multi-rooted tooth.
الحدود بتاعته Edge
الحدود الخارجية للسن بتكون واضحة جداً well-defined.
شكله Shape
-
جسم السن بيكون ممتد بالطول elongated tooth body.
-
الجذور بتكون قصيرة بشكل ملحوظ shortened roots.
-
شكل التاج crown بيكون طبيعي تماماً من بره في الحجم والشكل.
التكوين الداخلي Internal structure
-
السن بيكون radiopaque معتم للاشعة، زي تركيب السن الطبيعي.
-
اهم علامة هي غرفة العصب الواسعة والكبيرة enlarged pulp chamber.
العدد Number
ممكن يأثر على سن واحد بس single او اسنان كتير multiple.
اهم النقاط Key points
-
اسمه جاي من الكلمة اليونانية “tauros” اللي معناها “ثور” و “odont” اللي معناها “سن”، لان شكل السن ده بيشبه اسنان الثيران.
-
زي ما قلنا، شكل التاج من بره بيبان طبيعي جداً في الحجم والشكل.
-
نقطة تفرع الجذور bifurcation or trifurcation بتكون اقرب بكتير للقمة apex.
ايه اهميته الاكلينيكية؟ Clinical significance
معرفة الحالة دي بتفرق جداً في العيادة للاسباب دي:
-
ممكن تخلي علاج العصب endodontic treatment صعب ومعقد بسبب التشريح المختلف لغرفة العصب.
-
بتعمل تحديات محتملة وقت خلع السن potential challenges in tooth extraction.
-
في العادة مش بتأثر على وظيفة السن generally does not affect tooth function.
-
احياناً بتكون مرتبطة ببعض المتلازمات syndromes زي متلازمة كلاينفلتر Klinefelter’s syndrome.
ملحوظة اخيرة
خلي في بالك يا دكتور ان شدة الحالة دي بتتفاوت من بسيطة لغاية شديدة جداً. والتشخيص بيعتمد بشكل اساسي على الفحص بالاشعة radiographic examination.
