كتير اوي يا دكتور وانت شغال scaling and root planing تنظيف وتنعيم الجذور، تحس فجأة بحاجة ناشفة او بروز غريب على سطح الجذر. حاجة كدة الاداة بتاعتك مبتعرفش تشيلها مهما حاولت، وملمسها ناعم زي الـ enamel المينا بالظبط.
او ممكن وانت بتبص في اشعة عادية خالص تلاقي نقطة بيضا مدورة في مكان غريب، بالذات عند الـ furcation area منطقة تلاقي الجذور. يا ترى ايه دي؟ دي بالظبط اللي بنسميها Enamel Pearl.
ايه هي الـ Enamel Pearl لؤلؤة المينا؟
بكل بساطة دي عبارة عن ترسيب صغير ومدور من الـ enamel المينا موجود على جذور السنان، وبالاخص بنلاقيه على الضروس Molars. يعني حتة مينا اتكونت في مكان غلط على الجذر بدل مكانها الطبيعي في التاج.
شكلها ايه في الاشعة؟ Radiographic Features
عشان تلقطها على طول في الاشعة ركز في التفاصيل دي:
مكانها فين Location
اكتر مكان مشهورة بيه هو على maxillary molars الضروس العلوية.
الحدود بتاعتها Edge
بتكون well-defined حدودها واضحة جداً.
شكلها Shape
شكلها بيكون مدور Round.
التكوين الداخلي Internal structure
طبعاً لانها مينا، فبتكون radiopaque معتمة للاشعة، وكثافتها بتكون زي كثافة الـ enamel المينا بالظبط.
العدد Number
ممكن تكون واحدة بس single او ممكن تلاقي اكتر من واحدة multiple.
نقط مهمة لازم تعرفها Key points
اكتر مكان بتظهر فيه هو الـ maxillary molars الضروس العلوية.
خلي بالك، في الاشعة العادية ممكن تتلخبط بينها وبين تداخل الجذور المتجاورة overlapping adjacent roots. عشان كدة مهم جداً تاخد صورتين اشعة بزوايا افقية مختلفة عشان تتأكد انها فعلاً موجودة وتفرقها عن اي تراكيب تانية.
في حالات نادرة جداً ممكن يكون جواها جزء صغير من dentin العاج و pulp tissue نسيج العصب.
ايه اهميتها الاكلينيكية؟ Clinical significance
هي في حد ذاتها مش مؤذية، لكن مشكلتها انها بتمثل مكان مثالي لتجمع البلاك potential site for plaque accumulation. وطبعاً تراكم البلاك ده بيؤدي لمشاكل في اللثة والانسجة المحيطة periodontal disease.
كمان وجودها ممكن يعقد او يصعب عليك علاج اللثة periodontal treatment في المنطقة دي.
العلاج بتاعها بيكون بسيط. في العادي مش بنحتاج نعملها اي حاجة generally does not require treatment، الا لو سببت مشاكل في اللثة periodontal issues. وقتها بيتم ازالتها عشان سطح الجذر يرجع املس وسهل التنظيف.
ملحوظة مهمة: زي ما اتفقنا يا دكتور، عشان تقطع الشك باليقين، لازم تاخد اتنين اشعة two radiographs بزوايا افقية horizontal angles مختلفة. دي الطريقة الاكيدة اللي هتخليك تأكد وجود الـ enamel pearl وتفرقها عن اي تداخل في شكل الجذور.
