تخيل معايا يا دكتور انك بتاخد اشعة عادية جداً لعيان جاي يعمل حشو، وفجأة وانت بتبص على الاشعة تلاقي حاجة غريبة. تلاقي الـ pulp chamber الحجرة اللبية او الـ root canal قناة العصب في سنة معينة شكلهم مش طبيعي، كان في حاجة بتاكل فيهم من جوه وبتوسعهم.
الظاهرة دي ليها اسم مهم جداً في طب الاسنان، وهو الـ Internal Resorption. دي من الحالات اللي لو متلخصتش بدري ممكن تضيع سنة كاملة من العيان.
ايه هو الـ Internal Resorption الامتصاص الداخلي؟
ببساطة يا دكتور، دي عملية مرضية pathological process بيحصل فيها فقدان لتركيبة السن سواء العاج او المينا لكن من جوه لبرا. يعني التآكل بيبدأ من داخل الـ pulp chamber الحجرة اللبية او الـ root canal قناة العصب وياكل في جدران السن.
شكله ايه في الاشعة؟ Radiographic Features
عشان تشخصه صح من الاشعة، لازم تاخد بالك من التفاصيل دي:
مكانه Location
ممكن يحصل في اي pulp chamber حجرة لبية او root canal قناة عصب.
الحدود بتاعته Edge
الحدود بتاعته بتكون well-defined واضحة جداً وليها smooth outline مخطط ناعم. والاهم انها بتكون continuous with pulp chamber/root canal متصلة ومكملة مع حدود الحجرة اللبية او قناة العصب، يعني بتشوف القناة ماشية طبيعي وفجأة توسع وترجع تكمل تاني.
شكله Shape
شكله بيكون من مدور round الى خطي linear.
التكوين الداخلي Internal
من جوه بيكون radiolucent شفاف للاشعة، لانه ببساطة مكان النسيج الصلب اتاكل.
العدد Number
ممكن يكون في مكان واحد single او في اكتر من مكان multiple في نفس السن او في اسنان مختلفة.
العلامات التشخيصية الاساسية Key Diagnostic Signs
عشان متتلخبطش، العلامتين دول هما اللي هيأكدولك التشخيص:
-
هتلاقي enlarged pulp chamber and/or root canal تضخم في الحجرة اللبية او قناة العصب.
-
هتشوف radiolucent area منطقة شفافة للاشعة جوه تركيبة السن نفسها.
ايه اهميته الاكلينيكية؟ Clinical Significance
الحالة دي مش بسيطة يا دكتور ومحتاجة تدخل سريع، لانها ممكن تسبب:
-
اضعاف السن وممكن توصل لكسر في السن potential fracture.
-
لو اتسابت من غير علاج، التآكل ممكن يوصل للسطح الخارجي للسن may progress to external tooth surface.
-
في الغالب بتكون من غير اعراض often asymptomatic، وده بيزود اهمية الاشعة الدورية routine radiographs عشان نكتشفها بدري.
-
بمجرد تشخيصها، لازم تبدأ علاج عصب فوراً requires prompt endodontic intervention عشان توقف عملية التآكل دي.
نقطة مهمة في التشخيص
اوعى تتلخبط بينه وبين الـ external resorption الامتصاص الخارجي. التفرقة بينهم مهمة جداً. الـ internal resorption الامتصاص الداخلي بيحافظ على حدوده الناعمة والواضحة واللي ماشية مع حدود الـ pulp space. اما الـ external resorption الامتصاص الخارجي في الغالب حدوده بتكون irregular margins غير منتظمة.
