كتير اوي يا دكتور واحنا بنبص على اشعة بانوراما لعيان بنلاقي حاجات منعرفش هي ايه. ممكن تشوف نقط بيضا صغيرة كده متجمعة فوق الـ ramus of the mandible فرع الفك السفلي وتستغرب. هل دي مشكلة في العضم؟ ولا تكلس في شريان؟ ولا ايه بالظبط؟
النهاردة هنتكلم عن واحدة من اشهر الحاجات اللي بنشوفها صدفة في الاشعة، وهي الـ Tonsiliths او حصوات اللوز.
ايه هي الـ Tonsiliths حصوات اللوزتين؟
التعريف بسيط جداً. هي عبارة عن calcifications تكلسات بتتكون جوه التجاويف او الخبايا اللي اسمها crypts الموجودة في الـ palatine tonsils اللوز الحنكية.
شكلها ايه في الاشعة؟ Radiographic Features
عشان تلقطها في الاشعة على طول، لازم تكون عارف المواصفات دي:
المكان Location
في الاشعة ثنائية الابعاد 2D imaging زي البانوراما، بتظهر صورتها فوق صورة الـ ramus and angle of mandible فرع وزاوية الفك السفلي. لكن في الـ CBCT الاشعة المقطعية المخروطية مكانها بيكون اوضح بكتير، بتبان lateral to airway جانب مجرى الهوا و medial to mandibular ramus داخل فرع الفك السفلي.
الحدود Edge
الحدود بتاعتها بتكون well-defined واضحة، وممكن تكون ناعمة smooth او غير منتظمة irregular.
الشكل Shape
ممكن تكون كتل مدورة round او شكلها غير منتظم irregular.
التكوين الداخلي Internal
طبعاً بتكون radiopaque معتمة للاشعة.
ملاحظات تانية Other
ممكن تظهر في ناحية واحدة unilateral او في الناحيتين bilateral. وممكن تكون حصوة واحدة single او حصوات كتير multiple.
العلامات التشخيصية الاساسية Key Diagnostic Signs
اهم حاجة هتعرفك بيها هي وجود كتل صغيرة متعددة معتمة للاشعة multiple small radiopaque masses في منطقة اللوزتين. وفي اغلب الاحيان اكتشافها بيكون مجرد صدفة incidental finding واحنا بنعمل اشعة اسنان لسبب تاني خالص.
اهميتها الاكلينيكية ايه؟ Clinical Significance
مع انها غالباً مبتعملش مشاكل، لكن احياناً ممكن تسبب الم مستمر في الحلق persistent sore throat او احساس بوجود جسم غريب sensation of foreign body. وكمان مرتبطة بـ halitosis رائحة الفم الكريهة. في معظم الحالات مبتكونش ليها اعراض usually asymptomatic ومش بتحتاج اي علاج. اهميتها لينا كدكاترة اسنان اننا منلخبطش بينها وبين اي تكلسات تانية ممكن تحصل في نفس المنطقة.
شكلها في فم العيان ايه؟ Clinical Features
لو جيت تكشف على العيان اكلينيكياً، هتشوفها على شكل حجارة لونها اصفر او ابيض yellow-white stones موجودة في تجاويف اللوز. حجمها بيتراوح من ملليمترات بسيطة وممكن يوصل لسنتيمترات. ولو خرجت من مكانها بيكون ليها ريحة كريهة جداً.
نقطة اخيرة مهمة
صحيح احنا بنكتشفها بالصدفة، لكن مهم جداً نشخصها صح عشان نتجنب التشخيص الغلط لحالات مرضية تانية. الـ CBCT بتدينا تحديد دقيق لمكانها اكتر بكتير من الاشعة ثنائية الابعاد. وعادة التعامل معاها بيكون تحفظي conservative management طالما مش مسببة اعراض واضحة للعيان.
