تخيل معايا السيناريو دا يا دكتور. جالك عيان الطوارئ واقع على وشه وسنانه الامامية بتتحرك حركة بسيطة وفيها وجع مع اللمس. اول حاجة هتعملها ايه؟ اكيد هتاخدله اشعة periapical عشان تطمن على الجذور. وانت بتبص في الاشعة ممكن تلاحظ خط رفيع اوي قاسم الجذر بالعرض.
الخط دا هو بطل كلامنا النهاردة، الـ Horizontal Root Fracture.
ايه هو الـ Horizontal Root Fracture الكسر الافقي في الجذر؟
بكل بساطة، هو عبارة عن شرخ او كسر بيحصل في جذر السنة، والكسر دا بيكون ماشي في اتجاه افقي او عرضي transverse direction.
بنشوفه ازاي في الاشعة؟ Radiographic Features
عشان تلقطه في الاشعة بسهولة، عينك لازم تكون على التفاصيل دي:
مكانه Location
ممكن يحصل في اي سنة، لكن الاشهر على الاطلاق هو الاسنان الامامية.
الحدود بتاعته Edge
هيبان كخط رفيع sharp radiolucent line خط شفاف للاشعة قاطع الجذر بالعرض.
احياناً ممكن تشوفه كانه خطين رفيعين بيتقابلوا عند طرف الجذر، بس في الحقيقة هما بيمثلوا مستوى كسر واحد بس single fracture plane.
شكله Shape
في الغالب بيكون خطي linear. لكن ممكن يكون شكله منحني curved او متعرج شوية jagged.
التكوين الداخلي Internal structure
التركيب الداخلي هو خط الكسر الشفاف للاشعة radiolucent fracture line.
تفاصيل تانية Other
ممكن تلاقي الجزئين المكسورين من الجذر مفصولين عن بعض وممكن لا. وساعات بيكون صعب جداً انك تشوف خط الكسر لو كان موازي للاشعة السينية parallel to X-ray beam.
العدد Number
ممكن تلاقيه في سنة واحدة او اكتر من سنة.
نقط اساسية في التشخيص Key points
اكتر مكان بيحصل فيه هو الاسنان الامامية anterior teeth ودا بسبب الخبطات المباشرة frontal impact.
بنتعود نقسمه حسب مكانه في الجذر:
-
ثلث الجذر القريب من العنق Cervical third
-
ثلث الجذر الاوسط Middle third (ودا الاكتر شيوعاً)
-
ثلث الجذر القمي Apical third
اهميته الاكلينيكية ايه؟ Clinical significance
الكسر دا ممكن يأثر على حيوية السنة aeffect tooth vitality وعلى مصيرها على المدى الطويل. العلاج بيعتمد بشكل اساسي على مكان الكسر وشدته.
العلاج ممكن يكون مجرد تثبيت splinting، او ممكن يحتاج علاج جذور endodontic therapy، وفي حالات صعبة ممكن نوصل للخلع extraction. المتابعة الدورية regular follow-up ضرورية جداً عشان نراقب الالتئام واي مضاعفات ممكن تحصل.
ملحوظة مهمة جدا في التشخيص
عشان تشخص الكسر دا صح، ممكن تحتاج تاخد اكتر من فيلم اشعة بزوايا مختلفة multiple angulated radiographs لان خط الكسر ممكن ميظهرش من زاوية واحدة. وفي الحالات المعقدة، الـ CBCT imaging الاشعة المقطعية المخروطية ممكن تديلك تفاصيل اكتر بكتير وتشخيص ادق.
