اكيد عدى عليك في العيادة طفل مامته جايباه وبتقولك يا دكتور ابني وصل لسن تبديل الاسنان والضرس الدائم اللي بنسميه a key of occlusion مفتاح الاطباق مش راضي يطلع في مكانه، او حاساه بيطلع معووج.
هنا لازم يجي في بالك على طول احتمالية حدوث Ectopic Eruption. دي حالة مشهورة وبنشوفها كتير، وتشخيصها بدري بيفرق جداً في خطة العلاج وبيوفر على الطفل والاهل مشاكل كتير بعدين.
ايه هو الـ Ectopic Eruption البزوغ المنتبذ؟
ببساطة يا دكتور هو ان السنة تطلع في مكان مش مكانها الطبيعي. وغالباً وهي طالعة في المسار الغلط ده بتروح خابطة في السنة اللي جنبها، وده بيمنعها انها تطلع بشكل كامل وتوصل للـ occlusal plane مستوى الاطباق.
شكله ايه في الاشعة؟ Radiographic Features
في الاشعة الموضوع بيبان اوضح كتير، ودي العلامات اللي تخليك تعرفه:
مكانه Location
اكتر اماكن بنشوف فيها الحالة دي بتكون في الـ permanent first molars الضروس الدائمة الاولى وهي بتخبط في الـ primary second molars الضروس اللبنية الثانية اللي قبلها.
الحدود بتاعته Edge
حدود السنة بتكون واضحة جداً well-defined.
شكله Shape
ممكن تلاحظ وجود cupping تآكل مقعر او resorption امتصاص في السنة المجاورة نتيجة الضغط الواقع عليها من السنة اللي طالعة غلط.
التكوين الداخلي Internal structure
هتلاقي تركيب السنة طبيعي normal tooth structure يعني radiopaque معتمة للاشعة، لكن ممكن تشوف مناطق radiolucent شفافة للاشعة في الاماكن اللي حصل فيها resorption تآكل.
العدد Number
في العادة بتكون سنة واحدة بس اللي متأثرة single، لكن احياناً ممكن تحصل في اكتر من سنة.
نقط اساسية لازم تعرفها
-
الحالة دي ممكن تسبب impaction انحشار للسنة اللي بتبزغ بشكل منتبذ.
-
خبر كويس ان في حالات كتير بتصلح نفسها بنفسها often self-corrects خصوصاً في حالات الـ first permanent molars الضروس الدائمة الاولى.
-
لو الحالة شديدة ممكن تسبب فقدان مبكر للاسنان اللبنية premature loss of primary teeth.
-
لو متعالجتش، ممكن تسبب crowding تزاحم في الاسنان او malocclusion سوء اطباق.
اهميته الاكلينيكية ايه؟ Clinical significance
-
الاكتشاف المبكر للحالة دي هو اهم حاجة عشان نتدخل في الوقت المناسب.
-
الحالات الشديدة ممكن تحتاج تدخل تقويمي orthodontic او جراحي surgical intervention.
-
الحالة دي ممكن تسبب فقدان للمسافات space loss ومشاكل في رصة الاسنان في الـ dental arch القوس السني.
-
طرق العلاج بتعتمد على شدة الحالة ومرحلة نمو الاسنان.
ملحوظة اخيرة
مهم جداً يا دكتور انك تعمل فحص دوري بالاشعة regular radiographic examinations في مرحلة الـ mixed dentition stage فترة الاسنان المختلطة عشان تكتشف اي انماط بزوغ منتبذ بدري. المتابعة والتدخل في الوقت المناسب ممكن يمنع مشاكل تقويمية اكبر واكتر تعقيداً في المستقبل.
