عشان الفايل مايتكسرش وانت شغال

يا دكاترة .. مين فينا ما اتعصبش لما فايل يكسر معاه وهو شغال في حشو عصب؟ 😤

علشان نتجنب ده ونحافظ على أعصابنا وأعصاب مرضانا، ركزوا معايا في الكام نقطة دول:

أولاً: حركة الملف/الفايل جوه القناة:

✅ ندخل ونطلع الملف حركة خفيفة زي ما بنقول “بتدلع” ☝️ مش بندخل بقوة عشان ما ينكسرش.
✅ نمشي بيه على جدار القناة زي حركة الفرشاة، بس نبعد عن منطقة ال furcation.
✅ أول ما نوصل للطول اللي عايزينه، نسحب الملف على طول من غير ما نستنى ثانية واحدة.

ثانيًا: طول الملف اللي شغالين بيه:

✅ ما ندخلش الفايل كله مرة واحدة، كل مرة نزود 2-3 ملي لحد ما نوصل لل full working length.

ثالثًا: عدد لفات ومدة استخدام الفايل:

✅ نلف الملف 3 لـ 5 لفات في كل مرة، ونفضل شغالين بيه 10 لـ 15 ثانية بس مش أكتر من كده.

رابعاً: تشغيل الفايل:

✅ نشغل الفايل وهو بره القناة، وبعدين ندخله، ما ينفعش نشغله وهو جوه ❌.

يارب النصايح دي تفيدكم في شغلكم وتخلي شغلكم كله زي الفل 👌.