يا دكاترة، كلنا عارفين إن في بعض الحالات، حتى بعد ما ندي بنج عصبي في الفك السفلي (IANB)، المريض ممكن يحس بألم أو عدم راحة أثناء علاج العصب. السبب في ده ممكن يكون وجود تعصيب إضافي (Accessory Innervation) للأسنان، يعني فيه أعصاب تانية غير العصب السنخي السفلي بتوصل إشارات الألم للمخ. 🤯
إيه هي الأسباب دي؟
فيه 7 حاجات ممكن تدي تعصيب إضافي لأسنان الفك السفلي:
-
العصب الضرسي اللساني (Mylohyoid Nerve) 👈 ده أشهر واحد فيهم، و بيدي تعصيب إضافي للضروس، خصوصًا الجذر الأمامي (Mesial Root) في الضرس السادس السفلي. و الدراسات بتقول إن نسبة حدوث ده أكتر من 60%! 😲
-
العصب السنخي العلوي الخلفي (Posterior Superior Alveolar Nerve)
-
العصب السنخي العلوي الأوسط (Middle Superior Alveolar Nerve)
-
العصب الأنفي الحنكي (Nasopalatine Nerve)
-
العصب الحنكي الكبير (Greater Palatine Nerve)
-
العصب اللساني (Lingual Nerve)
-
العصب الوجهي (Facial Nerve)
طب إزاي نتعامل مع العصب الضرسي اللساني (Mylohyoid Nerve)؟
كتير مننا بيفتكر إن علشان نتغلب على مشكلة التعصيب الإضافي من العصب الضرسي اللساني، لازم ندي بنج موضعي (infiltration) جنب الضرس السادس من ناحية الخد (buccal). لكن الحقيقة إن العصب ده بيمشي من الناحية اللسانية (lingual)! 👅 يعني البنج اللي بنديه من ناحية الخد مش هيجيب نتيجة، و المريض هيحس بألم و إحنا هنفضل نقوله “معلش يا عم الحاج، في فرق بين الحركة والضغط” 🤦♂️.
إزاي ندي بنج للعصب الضرسي اللساني (Mylohyoid Nerve Block) صح؟
- نقطة دخول الإبرة (Needle Penetration Point) بتكون تحت و ورا قمة جذر الضرس اللي هنشتغل عليه.
- ندخل الإبرة لحد ما نحس بمقاومة (يعني تخبط في العظم).
- العمق بيكون من 3 لـ 5 ملم.
- بعد ما نتأكد إن الإبرة مش في وعاء دموي، نحقن ببطء على الأقل 0.6 مل من البنج.
و لو مش هينفع نعمل البنج ده، إيه البدائل؟
- بنج جاو-جيتس (Gow-Gates Nerve Block)
- بنج فازيراني-أكينوسي (Vazirani-Akinosi Block)
- الحقن داخل العظم (Intraosseous Injections)، و ده بيشمل حقن الرباط حول السني (PDL Injection)
إيه هي المضاعفات اللي ممكن تحصل؟
الحقيقة المضاعفات نادرة جدًا، لكن ممكن يحصل نزيف (Bleeding) أو ورم دموي (Hematoma).
