يا دكاترة، إحنا كأطباء أسنان بنبقى متعودين على التعامل مع المضاعفات اللي بتحصل جوه الفم، لكن لما المضاعفات دي تظهر على وش المريض، الموضوع بيبقى مختلف تمامًا وبيخلينا قلقانين. 😥
واحدة من المضاعفات دي هي الـ Facial Blanching، وده بيحصل لما ندي بنج في مناطق معينة زي:
- بنج العصب السنخي السفلي (Inferior Alveolar Nerve Block)
- بنج العصب السنخي العلوي الخلفي (Posterior Superior Alveolar Nerve Block)
- بنج تحت الحجاج (Infraorbital Nerve Block)
- بنج موضعي في منطقة الضواحك العلوية (Maxillary Infiltration in Premolar Area)
فجأة، تلاقي المنطقة اللي تحت عين المريض بقت بيضا زي ما بيحصل لما ندي بنج في سقف الحلق. طب إيه اللي بيحصل ده؟ 🤔
ليه بيحصل Facial Blanching؟
فيه نظريتين بيحاولوا يفسروا الموضوع ده:
-
حقن البنج جوه الشريان (Intra-arterial Deposition of L.A): لما البنج يدخل جوه الشريان بالغلط، المادة القابضة للأوعية الدموية (Vasoconstrictor) اللي موجودة فيه بتعمل انقباض للأوعية الدموية في المنطقة دي، وده بيخلي لون الجلد يبيض.
-
إصابة الضفيرة العصبية الودية (Injury to Sympathetic Plexus): إبرة البنج ممكن تعمل إصابة للضفيرة العصبية الودية اللي موجودة حوالين الشريان الفكي العلوي (Maxillary Artery) والفروع بتاعته، وده بيحفزها وتعمل انقباض في الأوعية الدموية الطرفية (Terminal Branches) بتاعة الشريان الفكي العلوي، وبالتالي بيحصل الـ Blanching.
فين بيظهر الـ Blanching ده؟
- الجلد تحت الجفن السفلي (Skin below lower eyelid)
- جانب الأنف (Side of nose)
- الجلد اللي فوق عظمة الوجنة (Skin overlying malar bone)
طب نعمل إيه لو حصل؟
- أولًا، لازم نتمالك أعصابنا ونهدي المريض. الموضوع ده مؤقت، وبيروح لوحده في أقل من ساعة، و كأن مفيش حاجة حصلت.
- ثانيًا، لازم نتأكد إن المريض فاهم إن ده من المضاعفات النادرة للبنج.
معلومة إضافية:
الألياف العصبية الودية (Sympathetic Fibers) موجودة حوالين الشريان الفكي العلوي (Maxillary Artery) والفروع بتاعته، ودي اللي بتلعب دور في حدوث الـ Blanching.
