🇵🇸 We Stand With Palestine 🇵🇸

Search
Close this search box.

ازاي اتعامل مع الcalcified canal and blocked canal

images 53 8437e08ebc8f5b165013f78cfe5b461a

جالك بيشنت بblocked or calcified canal.

هتتعامل مع الcanals دي إزاي؟

مبدأياً هو إيه الفرق بينهم؟ وهل في إختلاف في الmanagement؟

مبدأياً هو في فرق ما بينهم :-

_الcalcified canal بتكون قافله الcanal في الجزء الcoronal وهي عباره عن وسيله دفاعيه بيلجألها الجسم ضد التسوس عن طريق تكوين dentin في جزء الcoronal canal بيشتغل كعازل بحيث يسد الطريق ويحمي العصب من البكتريا.

وبما إنه عازل فإحنا متوقعين إن العازل ده متكون في الاعلي يعني في الجزء الcoronal.

_لكن الblocked canal بتكون مقفوله ف الجزء الapically بسبب شوية debris سواء اتزقوا منك انت وداخل او لأي سبب .

تاني حاجه في فرق ما بينهم في الtactile sense.

هات فايل ودخله في الcanal لو لقيته بيعمل كاتش أو حسيته بيتحشر يبقي دي blocked canal

لكن لو حسيته بيطلع كأن الكانال بتلفظه كده ومش ماسك في حاجه وبيكون loose يبقي ده calcified canal..

طيب نيجي لتاني سؤال ،هل في إختلاف في الmanangement؟

ايوه طبعاً في…

يعني عندك ال

manangement of calcified canal

 هيكون علي النحو التالي:-

مبدأياً الcalcified canal في الغالب مش بتكون متكسله بشكل كلي،يعني هو يدوب الكام ملي اللي فوق وممكن بس ٢ مل وفي حالات نادره جداً يكوم التكلس واخد كل الcanal،يعني الموضوع عاوز بس شوية صبر وهتسلك إن شاءالله.

طيب إحنا محتاجين إيه عشان نسلك الcanalsدي؟

إحنا محتاجين فايل من إتنين

اما D finder رقم 10

او C+ file برضه رقم10

اي واحد فيهم هيفي بالغرض.

الفايلات دي عندهم صلابه كافيه إنهم يخترقوا الcalcified canals وكمان بيمتلكوا cutting tip بتسهل عملية الإختراق.

الخطوات هتم كالأتي :-

اذا كان التكلس بسيط يعني مثلا ٢ مل يبقي ال

D finder or C+ files

هيوفوا بالغرض

لكن لو التكلس مثلا كان ٣ او٤ ملي يبقي هنحتاج ultrasonic tip يُفضل إنها تكون مُدببه وdiamond coated.

هخبط بيها شوية خبطات بسيطه كده جوه الcanal بحركه up and down.

وكل شويه تاخد الفايل وتجرب لو عدي يبقي تمام معداش تكمل بالultrasonic tip.

ولو لقيت الفايل عمل catch مع الكانال يبقي الف مبروك الكانال اتسلكت.

طيب لو الكانال اصلا مسدوده ومش عارف اوصل لمكانها اعمل إيه ؟ هستخدم قانون اسمه

role of symmetry

وده بيقول إنه في الlower molars وفي الpremolars لو قسمت الfloor بخط وهمي لنصين،

ف الcanals بتبعد نفس المسافه عن الخط ده

يعني ال buccal canal لو بتبعد عن الخط ٢مل فكذلك الlingual canal بتبعد نفس المسافه. وكمان بيكونوا علي خط مستقيم مع بعض.

بعد ما تسلكها هتوسع شويه بفايل ١٥ ثم تنطلق بالروتاري عادي

يعني مش هحتاج فايلات ٢٠ و٢٥ و٣٠؟

فكك متضيعش وقتك.

manangement of blocked canal-

ببساطه أنا عندي سداده من ال Dentin debris قالفه عليا الطريق، بالتالي أنا محتاح أخترقها

فهجيب كلور وأحط جوه الكانال منه كام نقطه بحيث ألين الdebris وأجيب فايل ١٥ وأحاول يكون

stainless steel

  عشان بيكون stiff.

وهضغطه جوه الكانال وألف ربع لفه ناحية اليمين وأطلع وأكرر العمليه دي لحد ما الcanal دي تسلك.

لازم فايل ١٥؟ طيب ما استخدم فايل١٠ أرفع ؟

أيوه لازم ١٥ عشان يستحمل الضغط فايل ١٠ مش هيستحمل وهيتني أو هيتكسر.

طيب نيجي لسؤال مهم إزاي متكسرش فايلات مانوال؟

حاول متزودش شغل بالفايل أكتر من ٦ عدات

يعني ايه؟

يعني احنا بندخل بحركه إسمها

watch winding motion

 صح!

فأنا هعد ٦ حركات ومزودش عن كده

وأقف واعد تاني او هطلع الfile انضفه من debris عشان اخفف الضغط وادخله تاني واكرر العمليه.

بالذات لو الcanal كانت calcified لان الdentin بيكون hard فبالتالي الfile هيتحشر جوه الكانال.

للمزيد تابعونا علي صفحة الفيسبوك

هل كان المحتوى مفيد لك؟

متوسط التقييم 0 / 5. عدد الأصوات: 0

شارك الموضوع الآن!
Facebook
Twitter
LinkedIn
WhatsApp
Telegram
Email
تابع ايضاً
اسكتشف
اقرأ