إيه حكاية الـ Hybridization في فايلات حشو العصب؟

يا دكاترة، كتير بنشوف أسئلة على الجروبات عن أفضل نظام Rotary، وكل واحد بيشكر في اللي جربه وعجبه. بس الحقيقة إن شغل السوشيال ميديا غير شغل العيادة تمامًا! طب إيه السر؟ 🤔

السر ببساطة هو إن مافيش شركة ملفات هتقولك اشتغل بنظام واحد بس! ليه؟ عشان الكل يكسب و محدش خسران 😉.

بس تعالى بقى نفهم إيه هي الـ Hybridization ونفك اللغز ده!

الـ Hybridization ببساطة هي فن مزج أنواع الملفات المختلفة أثناء حشو العصب عشان نوصل لأفضل نتيجة.

وده بيعتمد على ٣ حاجات أساسية:

١. مقاس طرف الملف (Tip Size):

• زمان في الـ Manual كنا بنمشي على ألوان الملفات القياسية، أبيض، أصفر، أحمر، أزرق، يعني 15، 20، 25، 30 وهكذا.

• دلوقتي في الـ Rotary، كل شركة ولها ألوانها ومقاساتها.

• لازم تبقى عارف كويس نظام الملفات اللي بتستخدمه ومقاسات أطراف الملفات فيه بالتفصيل.

• طبعاً كلنا عارفين إن الـ Manual بيبقى Taper 2% و الـ Rotary بيبقى 4% أو 6%.

• بس احنا هنا بنتكلم عن مقاس طرف الملف فقط.

• مثلاً ملفات الـ Orifice Opener بيبقى فيها مقاسات زي 20 و 25، وممكن تلاقي ملف تالت أكبر بيختلف من شركة للتانية.

• أو ملف للـ Glide Path لو الشركة “مزاجها حلو”. 😄

٢. نسبة توسيع الملف (Taper):

• نفتكر مع بعض يعني ايه Taper؟

• ببساطة هو مقدار زيادة سماكة الملف كل مليمتر.

• أي ملف طوله حوالي 16 مم أو أطول شوية.

• لو خدنا مثال بملفات الـ Manual اللي هي Taper 2% وفيه ملف مقاسه 25:

  • طرفه هيبقى 25.

  • بعد أول مليمتر هيبقى 27.

  • بعد تاني مليمتر هيبقى 29 وهكذا.

• طب لو Taper 4% أو 6%؟

  • لو عندنا ملف 25 و Taper 6%:

    • طرفه هيبقى 25.

    • بعد أول مليمتر هيبقى 31.

    • بعد تاني مليمتر هيبقى 37.

• شفت الفرق إيه بقى؟

• يبقى إيه فايدة إننا نعرف مقاس وطرف الملف؟

  • علشان نمشي بالتسلسل الصح.

  • علشان نعرف ندخل ونخرج الملف امتى ونستخدمه قبل أو بعد ملف معين.

٣. نوع معدن النيكل تيتانيوم (NiTi Type):

• معدن النيكل تيتانيوم ليه نوعين رئيسيين بيختلفوا في ترتيب بلورات المعدن وطريقة معالجته حرارياً.

• النوع الأول: Austenitic

  • ده اللي موجود في أجيال الملفات القديمة والرخيصة زي Protaper و M.pro.

  • بيتميز بقوة القطع والصلابة، بس مع تكرار الاستخدام بيتعب وبينكسر بسرعة.

  • ينفع تستخدمه في القنوات المستقيمة أو فيها تكلسات بسيطة وفي الجزء الأولي من القناة بس.

• النوع الثاني: Martensitic

  • ده النوع الأحدث وموجود في الملفات زي Hyflex و Fanta.

  • بيتحمل الاستخدام الكثير وينفع تعمله Pre-curving وهو مرن جداً.

  • بس ما بيتحملش الضغط الكثير وبينفك بسهولة.

  • الميزة إنك لو حطيته في Autoclave بيرجع لشكله الأصلي تاني.

  • علشان تقلل من انفكاكه استخدم تقنية SSC “Single Stroke and Clean”.

  • ينفع تستخدمه في القنوات المعقوفة وفي الجزء النهائي من القناة ولو بتحاول تعدي Ledge.

دلوقتي فهمنا يعني إيه Hybridization وإزاي نختار الملفات المناسبة لكل قناة!